梅媽為阿梅保單報警

梅媽同梅啟明兩母子近排為咗梅艷芳保單嘅賠償問題頻頻出招，噚日佢哋又到新城接受錄音訪問，梅啟明話保險公司唔畀啲資料佢哋睇，所以前日佢已經去咗報警，𠵱家所有嘢都要等警方調查。梅啟明噚日重攞咗兩份自稱係證據嘅文件出嚟畀馮仁昭睇，重話成件事係一個大陰謀同騙局，重話某啲人係埋沒良心嘅賊，而梅啟明重話查到有人開咗間空殼公司，將阿梅啲錢轉晒落袋喎。