地鐵發行紀念車票，催谷搭地鐵人次，噚日機場快綫推出兩款卡通人物「多啦A夢」主題「夏日系列」小童車票套裝，包括小童機場快綫單程紀念票，同埋多啦A夢毛公仔匙扣。多人搭機場快綫，對沿線車站商場有幫助。 講開商場，荃灣愉景新城商場，八月底前搞「樂趣無限工藝坊」，有塔羅牌占卜、手甲花藝同首飾製作等，只要喺商場消費滿指定金額，就可免費享用。