葉璇日前到珠寶店試戴總值近一百萬元的鑽飾，問她過往可有異性送贈鑽飾打動芳心，葉璇雖表亦真愛不能用金錢衡量，但對於貴氣的鑽石，她仍是十分欣賞。
葉璇今日會在中環為LIFESTYLE珠寶精品專門店做剪綵嘉賓，日前她抽空到店中挑選屆時佩戴的鑽飾。穿上性感服裝的葉璇先後試戴了四套鑽石首飾，總值接近一百萬元。
珠寶精品專門店的老闆為答謝葉璇做剪綵嘉賓，除了剪綵酬金外，還會另外送贈一套總值約五十萬元的鑽石加黑珍珠首飾給她做禮物，葉璇表示這份名貴首飾會變作她的家傳之寶。
葉璇入行至今一直緋聞不絕，問她有否異性送贈巨鑽打動其芳心，葉璇坦白說：「真係冇喎，有就梗係最好，但唔係真命天子，我都唔敢立亂收人哋咁名貴嘅禮物，惹起誤會就唔好。我始終覺得真愛絕對唔可以用金錢去衡量，將來我遇到真心相愛嘅人，送隻草做嘅戒指畀我，一樣戴得好開心。愛情方面，我係講心唔講金嘅。」
葉璇一向對鑽飾情有獨鍾，她說：「我覺得着住晚裝，點都要戴啲首飾襯嘅，咁樣會貴氣啲。」
視劉嘉玲為目標
葉璇簽約新經理人公司後，她會由公仔箱轉戰大銀幕，問她可會視哪一位電影圈紅星做目標，她想了想說：「我一直好欣賞嘉玲姐姐（劉嘉玲），佢一顰一笑都好有星味，性感得嚟又好有貴氣，演技又出色。」
採訪、攝影：比華利
服裝：PATRIZIAPEPE
髮型：PatrickSo（Hair）
化妝：DorisMak
