數碼相機像素不斷升級，有無諗過同屋企部打印機都升升級？
EPSON今個星期返咗隻旗艦級A3+彩色噴墨打印機－－STYLUSPHOTOR2400，首要最強當然係佢可以列印到最大A3+尺寸相片（13"×19"）；不過如果你係專業玩家，可能會更留意佢全新UltraChromeK3墨水技術，過人處係機身墨水細分為靛藍、洋紅、黃、淺靛藍、淺洋紅、淺黑、淺淺黑及相片黑/粗面黑8色（5,760×1,440Optimizeddpi解像度），好處係「色域」夠廣之餘，而且重有「減低同色異譜現象」！此外全新的三層次黑色墨水技術，以往打印機好難表現嘅黑色，𠵱家都可以變得好有層次感！
R2400另一好玩處，係打印機可透過軟件的配套，直接打印RAW格式相片；須知現時好多對相片有要求嘅DC用家，都已改行無壓縮的RAW作相片儲存！直接打印RAW格式的原始影像檔案，相片畫質絕對原汁原味；據知現時R2400可支援Canon300D、EPSONR-D1及NikonD70的RAW檔案，未來還會透過軟件升級，支援更多其他數碼相機型號的RAW檔案。 記者：朱崇德
EPSON（28278711）