香港同珠三角關係愈嚟愈密切，連當地垃圾都隨水漂到香港，搞到多個泳灘堆滿內地同胞嘅廢物，泳客見到真係大呼掃興。前綫立法會議員劉慧卿認為咁樣有損香港形象同市民健康，噚日去信政務司司長許仕仁，要求肥龍指示下屬執晒啲垃圾，重要同國內講數，事關國內垃圾要香港清理，於理不合也。不過肥龍未有回應，繼西九、政改同世貿部長級會議後，估唔到執垃圾都關佢事。
卿姐又批評康文署指滿布垃圾嘅泳灘仍適宜游泳係不負責任，要求當局考慮修訂對海灘污染嘅定義同標準，保障泳客健康。立法會民政事務委員會主席張宇人話，會考慮下星期開會跟進事件。民政事務局局長何志平聲言，會加派人手清理垃圾；康文署就堅持根據環保署化驗資料，暫時未發現泳灘水質不適宜游水。
爆料熱線：29290000、27860099
報料傳真：26239278
報料電郵：[email protected]