吳日言（阿Yan）日前帶同兩位師妹活己嵐與張詠恩探訪兩位獨居婆婆，合力為她們打掃家居，令婆婆非常感動，其中一位婆婆更握着阿Yan的手訴說往事，待她如孫女般，令阿Yan感到此行十分有意義。
吳日言與組合Krusty日前帶備禮物，到屯門友愛邨探訪兩名獨居婆婆，她們除與婆婆談天說地外，還落手落腳幫她們清理家居，即使婆婆要求她們清潔一些較高位置的地方，例如櫃頂或門頂上的窗等，她們亦一一應要求辦到。
曾讀酒店學
阿Yan與其中一位婆婆交談時，除細心聆聽外，還不時握着婆婆的手，令老人家非常感動，多次向阿Yan說多謝。阿Yan事後說：「其實我一向對老人家都有啲戒心，因為有啲公公婆婆嘅反應好極端，有啲會好熱情，有啲可能唔係好想同人溝通，但係呢位婆婆好熱情，佢重同我講咗好多佢以前嘅嘢，感覺好開心。」
阿Yan又說：「今次因為我係仁愛之星，所以就有機會做呢類探訪，重可以將我以前讀酒店學嘅清潔方法幫到佢哋打掃屋企，特別有意義。」
無暇做家務
而組合Krusty同聲表示今次是首度做這種探訪，成員活己嵐（Chucky）到達第二位婆婆家時，見對方家中十分清潔，即笑說：「嘩！婆婆，你屋企重乾淨過我屋企。」令婆婆不禁開懷大笑。
Chucky說：「我唔係講笑㗎，我屋企得兩個人住，一向家務都係自己做，但係最近因為太忙，都冇時間做家務，屋企真係好亂。」另一成員張詠恩則說：「我覺得佢哋（指兩位婆婆）好可愛，重好熱情，不停多謝我哋，真係有啲唔好意思。」
採訪、攝影：胡比
