離開組合Boy'Z作獨立發展的關智斌（Kenny），早前找來蔡卓妍（阿Sa）為其新歌MV擔任女主角，二人更有纏綿接吻戲份。已是別人女友的阿Sa現時雖然照拍親熱鏡頭，但規定錫嘴不能伸脷。
關智斌早前請來蔡卓妍為其新歌《先知》拍MV，二人飾演情侶，MV內容講述Kenny飾演的建築師常因工作而忽略女友阿Sa，令得不到男友關心的阿Sa決意離港，不過最後亦大團圓結局。
豔福無邊
Kenny自從作個人發展後，每次拍MV都有靚女相伴，又例必有親熱鏡頭，繼上次與官恩娜纏綿後，今次又與阿Sa嘴對嘴，可謂豔福無邊，連他亦忍不住說：「拍親MV都好興奮，其實我同阿Sa識咗好耐，拍《Y2K》時已經識，我一聽見話要搵女主角就諗起佢，點知打畀佢時佢又一口答應，佢本身工作好忙，肯幫手真係好。」
至於阿Sa自與鄭中基相戀後，拍攝親熱鏡頭的尺度亦有所改變。身兼Kenny和阿Sa經理人的霍汶希，得知MV有接吻鏡頭後，特地致電通知阿Sa，而阿Sa想了想才說：「要錫都冇問題，但唔可以伸脷㗎。」
幸好拍攝當天阿Sa和Kenny均咀得十分投入，現場氣氛也相當浪漫，令導演滿意收貨。除了錫嘴外，阿Sa和Kenny又拍了不少纏綿鏡頭，未知是否因太熟絡的關係，二人不時忍不住大笑，令浪漫情景頓變搞笑場面。
撰文：蔡如玉
