梁洛施（Isabella）日前與一班fans到旺角逛寵物店，她透露以前在澳門居住時養過兩隻小狗，可惜現時居所太細，母親不准她養狗。不過Isabella與母親達成共識，她們決定另覓一間有露台的住所，以便再次養一隻小狗。
梁洛施有份演出的新片《虫不知》將於下周四上映，她在戲中飾演一名能夠與自然界各種動物溝通的女孩，一向喜歡動物的Isabella日前便趁空檔與幾位fans到旺角通菜街逛寵物店，她見到各種各樣可愛的小動物，即流露出一副愛不釋手的樣子。
睇金魚唔捨得走
Isabella當日與fans逛了多間不同種類的寵物店，她見到可愛的小倉鼠及荷蘭兔仔時，馬上就抱起來逗弄一番，其後Isabella在金魚店看金魚，更幾乎不願離開，Isabella表示以前在澳門居住時養過兩隻狗，她說：「嗰陣養過都柏文同北京狗，不過𠵱家媽咪暫時唔會畀我養，因為佢有鼻敏感，而且𠵱家間屋又細，等遲啲搬間有露台嘅屋就可以養，我哋𠵱家重諗緊搬去邊區，一搬咗屋我就再養狗。」
新片上畫好緊張
電影《虫不知》是Isabella的處女作，提到該片即將上畫，Isabella心情緊張，她說：「套戲喺舊年暑期拍嘅，係我真正第一部拍嘅電影，頭幾日拍攝重有啲驚，個人比較被動，之後導演教咗我好多，我先至做得放啲，同戲裏面隻狗做戲嗰日最開心，玩咗足足一日，相反同特技蟲做對手戲重難，即係對住空氣自行幻想咁做戲。」
採訪：卓美娟 攝影：林德雄 場地：寵物便利
