名模陳沛嘉昨日在金鐘示範名表時透露會放三星期假，到悉尼讀英文，因為她對模特兒圈感到心淡，又指模特兒圈子風氣日差，不少當紅模特兒表現不專業，經常遲到兼耍大牌。
名模陳沛嘉和李嘉慧昨日在金鐘示範HarryWinston最新腕表，當中焦點是由李嘉慧示範、名為「Opus5」的新作，是全球首枚有衞星小時顯示的腕表，全球限量發行一百枚，鑽石鉑金版本價值超過三百萬，昨日李嘉慧佩戴的玫瑰金版本則價值八十八萬二千六百元，而陳沛嘉佩戴的陀飛輪腕表則價值超過二百萬元。
放假讀英文
陳沛嘉昨日透露將放三星期假，計劃往澳洲悉尼讀英文，問她為何有此決定，讀英文大可留港讀？她說：「我驚喺香港會心散，另外我最近對香港模特兒界有啲失望，風氣愈嚟愈唔好。」她又舉例說：「好似好多出咗名嘅模特兒冇晒專業態度、遲到兼態度差，佢哋出咗名就咁樣，啲新人會有樣學樣㗎嘛。」早前曾有指她與陳嘉容不和，問陳沛嘉所指是何人，她堅持不作個別舉例。
畀面色人睇
陳沛嘉續說：「我初初入行時，當時重好活躍嘅名模好似琦琦、馬詩慧同翁為德，佢哋做咗十幾年重好nice、好準時，𠵱家啲所謂前輩模特兒就會畀面色人睇，當啲化妝、髮型同stylist好似妹仔咁，雖然未至於講粗口，但係都粗聲粗氣，我見到呢啲情形唔會出聲，只會以旁觀者身份去睇。香港模特兒點都唔夠國際化，我諗呢個都係原因之一。」
採訪：DebbieLum 攝影：IpKwanHoi
