譚詠麟（阿倫）將於下月假紅館舉行一連十場演唱會，昨日他以白馬王子look出席個唱記者會，還出動私伙四卡鑽戒，他還表示演唱會中會有更多私伙鑽飾曝光。阿倫自言已積極健身，他聲稱現時擁有四十吋胸肌，三十吋腰圍，狀態甚佳。
譚詠麟昨日以一身白馬王子的打扮出席假黃埔海逸酒店舉行的「譚詠麟歌者戀歌濃情30年演唱會」記者會，為了配合造型，阿倫更出動私伙鑽飾，戴上一隻價值不菲的四卡鑽戒與一只鑽石襟針，不時映出閃閃光芒，非常搶眼。
籲觀眾着晚禮服
阿倫透露今次演唱會邀請了珠寶界朋友設計一系列鑽飾，以配合他的服裝，他說：「我叫佢哋幫手設計，錢就我自己畀，不過今日戴呢隻就係我同朋友打波（高爾夫球）嘅時候贏嘅。」阿倫笑言以前認為買鑽石保值，所以有不少珍藏，他還叮囑觀眾說：「如果啲觀眾可以就着得隆重啲，着晚禮服就最好，配合番三十年呢個隆重氣氛嘛。」
目標體重百五磅
阿倫最近亦積極減肥及做運動，務求以最佳狀態舉行演唱會，他說：「你哋睇吓我有胸肌㗎！」問到他有幾多吋？阿倫說：「四十吋囉，重有溝㖭㗎，唔信畀你哋摸吓。」阿倫表示現時差四磅便達到目標，他說：「我最肥嘅時候係一百七十幾磅，𠵱家係一百五十四磅，我不時都有問醫生朋友嘅意見，因為我嘅體重上落好大，我試過一日瘦咗八磅，咁就唔係幾好。」阿倫更透露現時只須穿三十吋的褲頭。
此外，阿倫的演唱會其中一位嘉賓，正是早前與許志安激吻的韓紅，問他到時會否又與韓紅激吻，他說：「我唔信呢件事，除非我親眼睇到，大家唔好用有色眼光嚟睇佢。」
採訪：胡比
攝影：林德雄
