馮仁昭噚日收到有關《醫道》嘅投訴，觀眾不滿叫入侵韓國嘅日本人做倭寇，話有貶意。無綫外事部助理總監曾醒明噚日話：「我哋咁樣繙譯完全係忠於該劇原著，根據韓國歷史背景，當時真係以『倭寇』稱呼入侵嘅日本人，《大長今》有一幕都有涉及倭寇入侵韓國，咁樣繙譯完全冇對日本人歧視或者唔尊重嘅意思。」