免費報紙燃起烽煙，代表全港近四千六百個報販嘅香港報販協會，噚日舉行記者會，齊聲譴責《頭條日報》，指佢哋「野貓式」嘅派發方式扼殺業界生存空間，據聞受報紙派發點影響嘅報販生意下跌近兩成。
佢哋話𠵱家接觸緊《頭條日報》高層，希望佢哋唔好只顧牟利而破壞營商環境，代表重話唔排除會罷賣《星島日報》以示抗議。
至於另一份免費報紙，施永青嘅《am730》，八方喺中原網頁上見到份報紙嘅初樣，「頭條」係老施嘅文章〈香港報業還有路嗎？〉。
出版日就定喺八月一日，派發地點有超過一百五十個，唔夠《頭條》六百個咁多，但到時班報販會更難搵食。
傳真︰2623-9278
電郵︰[email protected]