興利集團（114）近排遇到唔少白事，較早前獨立非執行董事曹廣榮離世，噚日又公布，另一獨立董事黎敦義上周五逝世。咁啱兩位去世嘅董事都係前高官，黎敦義現年七十九，早於七一年出任新界民政署署長，做過民政司，係睇住香港成長嘅前高官，曾經撰寫自傳《歷變中看香港》。 興利獨立董事一時間唔見咗兩名，只剩下兩名，唔夠規定嘅三人，因此要搵人填補。