莫文蔚昨日在中環國際金融中心舉行一個兒童圖書簽名會，現場人士可以用港幣五十元，購買有莫文蔚親筆簽名的《只因我們是朋友》一書，善款會捐予香港啟迪會幫助癲癇症的患者，莫文蔚的父母亦有到場支持。
莫文蔚說：「好多時候我做慈善，爹哋媽咪都會支持我，今次呢個籌款活動係幫啲癲癇症嘅人，好多人對癲癇症有誤解，其實癲癇症病人食藥之後同普通人係一樣，所以唔應該歧視佢哋。以前我有個師姐運動好叻，估唔到佢都有癲癇症。」
錄音扮細路聲
莫文蔚表示《只因我們是朋友》有中、英譯本，其中閱讀版是由她發聲演繹，她說：「今次呢本書我都有份參與，閱讀版係提供畀學校，因為咁我錄音時就要扮細路聲，都幾得意。」
採訪、攝影：何永寧