廖碧兒、陳鍵鋒和官恩娜等前晚到銅鑼灣出席《神奇4俠》首映禮，到場嘉賓眾多，但只有陳鍵鋒及廖碧兒獲贈贊助大會的限量版手表，可見二人獲特別禮遇，但官恩娜則表現得不以為然。
荷李活電影《神奇4俠》前晚在銅鑼灣舉行首映，出席看首映的廖碧兒獲贈片中女主角所戴、價值四千八百元的LloydChronoSpecialEdition手表，全港限量一百隻，陳鍵鋒則獲贈價值五千三百五十元的KhakiNavyGnp的啡色皮帶手表。
愛看西片
廖碧兒說：「我好鍾意呢套戲，美國開畫票房第一喎，我係外國人，啲人鍾意請我睇西戲，好開心。」廖碧兒謂除了其父親，沒有男士送過手表給她。陳鍵鋒則說：「主辦商打嚟問我鍾意乜表，我又冇乜皮帶表，佢哋就送呢隻畀我。我以前鍾意儲奇怪得意嘅表，大個鍾意成熟穩重款式，最有紀念價值係紅十字會送嘅血型表。」
觀眾讚好
同場的官恩娜被問到沒有表收會否不高興，她說：「唔介意，我嚟睇戲已好開心，我生日入醫院係最大打擊，喊咗成日呀，冇嘢再打擊到我。」問她會否向主辦商要求送表，官恩娜說：「可能會。」
《神》片在美國票房甚佳，前晚觀眾們看完首映亦有讚冇彈，劉小姐給予A級，她說：「冇悶場，好好睇，我最鍾意女主角隱形女俠，佢好靚。」十多歲的馮小姐則給B級，她說：「partpart都好，特技又好，我鍾意女主角，樣靚身材好。」
採訪：馮美茵
攝影：林德雄
