利嘉閣精英聚餐

利嘉閣精英聚餐

中原地產本周二晚筵開百席,慶祝公司成立二十八周年,當晚原來子公司利嘉閣地產都一樣搞慶祝會,不過係請喺六月爆到數嘅一百三十三個精英。
聽利記廖偉強講,前線只要喺六月跑到十萬或以上嘅數,經理級就五十萬起,都可以出席呢個「真英雄宴」,食番餐自助餐。
廖董重話,相信今個月樓市會隨住新盤開賣,逐步向好。