李蘢怡與EO2昨日在長沙灣出席一個禁毒資訊及網上輔導「Freshchannel.com.hk網上電台開台禮」活動，李蘢怡更獲邀請到戒毒所參觀。
朋友吸毒覺恐怖
李蘢怡透露年輕時曾受過毒品引誘，她說：「細個時好貪玩，身邊有朋友有吸毒習慣，不過我冇食，而且重疏遠佢哋，我覺得好恐怖，其中有個朋友由細食到大，開始冇記性、手震同情緒唔穩定，明知吸毒唔好點解重要食呢？」
而EO2四位成員則異口同聲表示從未接觸過毒品，成員Otto說：「係啲笨同儍嘅人至會食，身體係父母畀，點解要蹧蹋自己，曾經有一次返內地登台，發覺台下啲人都好呆，我哋唱完歌走，就聽到個DJ講『繼續啪嘢』，跟住有好大嘅歡呼聲，聽到都覺得好心痛。」
採訪、攝影：魯萍