今年暑假，香港父母有個新選擇，就係送班細路去粉嶺新圍軍營，參加一個由董太倡議，軍民同樂活動籌委會、德育關注組、駐港部隊以及教統局合辦嘅「香港青少年夏令營」。
夏令營由七月二十日至三十日，入咗圍嘅一百個學生要接受體能、紀律、知識同德育培訓，費用全免，重有兩套軍服，一對軍靴攞番屋企。至於宿舍就住軍官房，有空調但冇床褥，解放軍更出動所有軍人做好滅蚊運動。
解放軍今次破天荒畀香港青少年入營受訓，軍民同樂活動籌委會主席戴德豐話，要多得董太每年中秋去送月餅，同部隊打好良好關係同建立互信。
董太亦話自己出名性急，所以大家同佢起咗個花名「數到十」，即係數到第十下就要做到，可惜董生未被感化。
部隊已經講明，會採用「不打、不罵、不罰」嘅三不政策對班學生，所以家長唔使驚個仔頂唔順。
傳真︰2623-9278
電郵︰[email protected]