八百選委選新的特首，只有三十九人冇提名任何人，其中一位就係何弢，屬於建築、測量及都市規劃界別，佢冇提名煲呔，原因係病咗。
呢位名建築師，係區旗、區徽嘅設計師，好有才華，點知世事無常，何弢二○○二年喺內地中風，之後就冇露面。據八方所知，佢大概半年前已經被送返港療養，情況並不樂觀。前日煲呔就去過醫院探望何弢。
八方記得，喺一九九八年，當時旅協想搞藝術表演場地，搵咗多家名建築師樓進行可行性研究。何弢中標，建議喺西九龍填海區興建一座地標式國際級表演場，政府接納佢嘅構思，重搞設計比賽，卒之搞出個西九大計劃。今日何弢病重，西九則懸而未決，煲呔專誠去探望，都算有心。
傳真︰2623-9278
電郵︰[email protected]