樂基兒去年公開承認隆胸，旋即成為城中話題，昨日她坦承縮胸，再度受到圈中人關注。現正進行豐胸療程、上圍已由30.5A升至32B的袁潔瑩，昨日聽聞樂基兒取出植入物後，她說：「咁有乜嘢意思呢？佢（隆）之前應該同佢醫生傾吓先，𠵱家即係攞自己嚟搞，女人一開刀好傷元氣㗎，老人家話會入風㗎。」
而昨日與樂基兒同場行騷的名模AnaR.和楊崢則十分支持好友的決定，AnaR.說：「Galie（樂基兒）之前都有同我傾過想攞番出嚟，佢話因為身體有啲唔舒服，𠵱家身體好番咪重好，只要佢開心就得啦，佢真係好勇敢。」
緊貼潮流
楊崢則說：「我今日喺後台都有同Galie傾呢件事，我好支持佢嘅決定，佢好可愛，其實呢啲事咁私隱佢可以唔講，而且做模特兒好緊貼潮流，一時興大一時興細，整大整細好普通啫。」