混血名模Rosemary被雜誌拍下與代理名車的和記行主席李文輝同車，更指是其母Julie為她搭路，昨日Rosemary與母親往尖沙嘴出席雪糕活動時，指摘雜誌亂寫，Rosemary表示當晚只是與李文輝開會，其母Julie則勞氣地說不會被雜誌亂寫幾句而被打低。
混血名模Rosemary及母親Julie昨日往尖沙嘴美麗華酒店出席意大利雪糕品牌DaDolce的試食活動，Rosemary一口氣試了多款口味，樣子十分回味。
「唔使靠呢啲𢱑撈」
有雜誌拍到Rosemary與上市公司和記行主席李文輝同車，報道更指當晚二人約會是由Rosemary母親Julie搭路，昨日記者問二人此事時，Julie勞氣地說：「我個女好多嘢做，工作排到密麻麻，根本唔使靠呢啲嚟𢱑嘢做，我同個女一齊經歷咁多，唔會因為佢哋亂寫幾句就可以打低我哋。」Julie表示不排除控告該雜誌。
記者其後問Rosemary，平時她與母親有影皆雙，為何當晚只有她與李文輝獨處？Rosemary聞言即說：「你哋唔係真係信吖嘛？救命呀！嗰晚媽咪約咗人食飯，我同李生係傾工作嘅嘢，因為我一向有同佢哋代理嘅跑車瑪莎拉蒂有合作，我哋係傾吓未來合作計劃啫，呢件事寫到媽咪幫我搭路咁肉酸，我好唔開心，真係唔想再多講啦。」
「拍拖唔會喺鬧市」
問到Rosemary現時有沒有拍拖？她說：「上次俾人影到嗰個係好朋友嚟啫，大家一齊過馬路，佢扶一扶我，係拍拖都唔會喺鬧市啦！」
