楊千嬅昨日以光明大使身份，出席在薄扶林舉行的「照亮你一生一起走上光明大道」慈善探訪活動。心光盲人院暨學院的代表帶領千嬅參觀校內設施，千嬅並與一班學童齊玩遊戲。
千嬅將舉行一場慈善演唱會為該學院籌款，她說：「我覺得好有意義，以前因為拍《地下鉄》扮失明人士，有機會接觸同去學習，亦因為佢哋睇過我部戲，覺得我了解盲人嘅心聲。」
親見蝕眼球
做過護士的千嬅，遇過有一件驚嚇的事，她說：「我喺急症室接觸過一個技工，佢唔小心俾腐蝕性液體入咗其中一隻眼，我幫佢用鹽水沖眼。沖完之後，我發現佢隻眼珠已經俾腐蝕性液體蝕到冇咗，我見到好驚，亦令我深深體會到工業安全嘅重要性。」
採訪、攝影：魯萍