早前承認患上肝癌的羅家英，日前接受商台節目訪問時，表示身體已康復了七成，但現時仍會繼續休息，下月則會與汪明荃（阿姐）到歐洲旅行，而在港大十月舉行的「羅家英從藝粵劇五十年」展覽會中，家英哥則會出版一本書，稍後更會到內地拍攝劇集《封神榜》。
家英哥又坦言患肝癌後與阿姐的感情轉好，問到有否計劃結婚時，他說：「都曾經考慮過，未病之前阿姐問我結唔結婚，我就話唔好住，我想佢考慮下，費時佢揀錯人啦。」
患病後感情更好
家英哥說：「我鍾意𠵱家兩個人嘅相處，好似糯米治木蝨，不過病咗之後，我話肯結婚，但今次就到阿姐有問題，因為大家要諗以後係邊度住，啲錢又點分呢。我哋𠵱家啲錢係好斤斤計較，雖然佢多錢過我，但我唔會貪佢啲錢，佢又唔會喺乞兒兜度拿飯食，大家都數目分明，自己亦唔會因為咁自卑。」