蘭西上月底提過,美聯為咗慶祝上市十周年,除派花紅外,重準備一批九月四日迪士尼公益金慈善日門券,點派發,𠵱家就有詳情嘞,比賽分七及八月兩個階段進行,分綜合市場、藍籌屋苑同豪宅市場三個組別,嗰個月三個營業額最高嘅分行主管,同三個最top前線代理,每人均可獲得三張門券。 另外,以整體計算,攞到嗰個月topsales嘅兩名精英,都可以各得三張門券。若果爭得愈激烈,美記嘅收入就愈肥仔嘞。