手機內置埋FM追台功能，其實都只係家常便飯，好似韓國SAMSUNG咁，呢排狂出咗幾部中價位、有影相兼收音功能嘅手機，但係售價三千幾蚊，真係唔係咁多人玩得起！
SAMSUNG今個星期開始有啲向「下」發展，推出了一部$1,000價位嘅平價FM手機C238，有彩芒兼可以SendMMS，都算係一部唔錯平民級之作。C238嘅娛樂功能都幾齊全，內置JAVA，可以「單撈」遊戲玩；另外唔少得嘅當然係GPRSClass10同WAP1.2.1，基本上網一樣做到！至於6萬5千色彩芒、40和弦、1,000個電話簿儲存空間以及錄音功能，都可以喺C238入面搵到；不過最可惜，當然係不設內置相機啦！現時一千蚊價位手機，要有影相功能嘅機種真係好難搵，如果大家對影相呢項小玩意冇乜興趣嘅，C238都係一個唔錯選擇！
記者：陳國輝
SAMSUNG（28626001）
