為紀念一代巨星李小龍，李小龍會近日籌備鑄造一個李小龍銅像，並邀得廣州有名的雕塑家曹崇恩操刀，銅像計劃於李小龍冥壽、即十一月二十七日在尖沙嘴星光大道豎立。
該會近日先後獲商界一班富豪資助，有指現在已籌得約一百萬港元。昨日有讀者投訴該銅像造價只需二十五萬人民幣，直指當中有人斂財。
將公開數簿
記者昨日聯絡李小龍會會長黃耀強，他在電話中說：「其實個銅像預計要花約一百二十萬，李兆基同劉鑾雄都各捐咗約三十萬，𠵱家我哋個會暫時籌到約六十萬，重爭成半。銅像需要咁大筆錢係因為除咗造價，重要運費、安裝費同保險費。我哋係一個非牟利機構，完成晒成件事，條數喺網頁公開，到時大家唔使再質疑。」
而該會顧問田啟文昨日在電話中說：「我係自發性支持呢個會，關於佢哋嘅財政情況係完全唔清楚，不過我贊成非牟利機構要有一定透明度。」
採訪：比華利