Sammi赴京配音勁怕凍

Sammi赴京配音勁怕凍

鄭秀文(Sammi)閉關多時,大前晚她終於露面,與杜琪峰一同晚膳,Sammi昨日早上七時許又再次出動,與經理人郭啟華及助手起程到北京為電影《長恨歌》配音。

華仔要傳媒交代

雖然昨日天氣炎熱,但Sammi仍穿着白色長袖外衣,還繫上長頸巾,十分怕凍。滿臉笑容的Sammi心情看來相當好,臨入閘前還笑意盈盈地向記者揮手道別。
而劉德華則於昨日下午二時許由日本返港,在場有十多名歌迷接機,華仔透露剛到日本出席歌迷聚會,提到Sammi與杜琪峰晚膳,問華仔有否聯絡Sammi,華仔說:「知道佢開心咪夠囉,大家係咪應該反過嚟用另一個角度睇,唔係追問Sammi嘢,而係問番之前亂寫報道嘅媒體,叫佢哋交代一下。」
採訪、攝影:馮美茵、何國豪

劉德華昨日下午由日本返港,在場有十多名歌迷接機。