自七一假期過後，無綫、亞視上周收視回復正常，無綫劇集《奪命真夫》回升三點，有三十一點收視，二百零三萬觀眾捧場，另一套新劇《開心賓館》首周開二十九點，即有一百九十萬人次。而上周最矚目梗係要數做咗成十年嘅長壽遊戲節目《終極無敵獎門人十年大典》（見圖），呢個節目上周六播出最後一集勁升七點，高收三十六點，有二百三十六萬人次收睇。