十六萬公務員當下最關心係乜？梗係減薪官司嘅裁決結果啦，八方從員方嗰邊收到風，話終院應該會喺聽日朝早宣判。
公務員十分關心裁決結果，因為如果佢哋贏咗，聽講話大部份人可以攞番成個幾月人工，於是唔少人喺網上討論區討論，除咗講收到錢會用嚟買張按摩椅，或者大擦一餐慶祝吓之外，重有人話收到風，法院已有決定，但員方代表就話應該純屬傳言。
不過，員方代表話，某某銀行已着手聯絡中高層公務員，準備一旦公務員勝訴，就游說佢哋用筆攞番嘅錢去買基金，真係有生意頭腦，因為呢個真係個幾大嘅市場，但都要佢哋贏到先講。
傳真︰2623-9278
電郵︰[email protected]