名模周汶錡（Kathy）早前與無綫簽訂合約，主持十二集飲食節目《回味無窮》。昨日Kathy到澳門拍攝外景，並到當地著名的水餃店品嘗水餃，為食的Kathy揚言將來亦要揀一個愛好飲食的男士作為伴侶。
無綫即將推出一連十二集的飲食節目《回味無窮》，並邀請名模周汶錡及飲食界名人歐陽應霽擔任主持，介紹港澳美食，並會取代《有招出招》的節目時段。
最叻包上海雲吞
Kathy及歐陽應霽昨日到澳門拍攝外景，前往當地著名的鳳城珠記水餃店介紹鎮店三寶，兩人難得一嘗老闆親手煮的水餃，Kathy讚不絕口說：「真係好好食！雖然我以前嚟過澳門好多次，但今次都係第一次嚟呢度食水餃，其實澳門有好多美食，我比較鍾意食水蟹粥。」身材苗條的Kathy十分喜歡品嚐各地美食，閒時亦會親自下廚，她說：「我最叻係包上海雲吞，因為細個睇屋企人包得多，咪熟能生巧囉。」Kathy其後在議事亭拍攝時，更吸引大批途人圍觀，他們大讚Kathy真人比上鏡更靚。
邊拍邊食夠吸引
Kathy揚言將來擇偶基本條件是對方與她一樣同屬食得之人，她說：「因為我真係好鍾意食，梗係希望搵個一樣咁鍾意食嘢嘅人喇！」
對於今次主持電視節目，Kathy表示最大吸引力亦是「食」字當頭，她說：「咁啱我又準備寫第二本旅遊書，今次一邊可以拍攝節目，一邊又可以食都幾好。」
採訪、攝影：王崇穎
