鄭欣宜昨晚七時四十分與肥姐由加拿大返港度暑假，肥姐坐在輪椅出閘，欣宜契媽及一位女士接機，肥姐甫見記者即說：「你哋點知我哋返嚟㗎？一定有人講嘅。」後來得悉鄭秀文今早亦出現機場，肥姐關心地說：「佢冇事咪好囉。」
唔認拍拖
問欣宜現在體重多少，她說：「冇磅過，但我重有跟餐單食飯，𠵱家放暑假返嚟，因為媽咪有嘢做。」欣宜指她已考到大學，但要下月才知選修甚麼科目。問到會否在港演出或為修身堂工作，欣宜表示尚未清楚。至於男友為何沒有出現，欣宜說：「吓？男朋友？我冇拍拖。」
湊巧秋官於八時十五分從新加坡返港，他得悉愛女剛離開機場，一臉愕然說：「吓？又話十號返？我唔知呀，我即刻打畀佢先。」秋官表示要聯絡欣宜後才知會否聚餐，至於欣宜男友，秋官說：「欣宜好忙，好多約會，好多男友，都唔知講邊個。」至於趙薇昨日亦來港，為新唱片打點。
採訪、攝影：何國豪