港台停播賽馬，竟然變成一個「幾時決定」同「係咪講大話」嘅議題，真係幾好笑。
早在今年四月八號，立法會資訊科技及廣播事務委員會討論港台角色，單仲偕已經提過話港台宜停辦中文金曲、賽馬及教人投資等節目。呢一個會，正式點起咗火頭。八方於是四圍去八，睇吓究竟搞乜。結果乜料都冇，有位高官重話，今時今日搞港台，好易上綱上線，制唔過。後來，有個高人報夢，話一定唔播馬啦，於是八方喺四月三十號，寫咗篇〈港台慳錢唔播賽馬節目〉。哈，原來當時未拍板，好彩唔使更正啫。
惶恐七年，港台頂到今日，朱培慶處長都算勁。現在煲呔民望正高，商台又咁識做，有乜法子唔死。爭論喺「幾時決定」，有乜意義呢？
傳真︰2623-9278
電郵︰[email protected]