近期飽受壓力嘅港台，早排製作咗套《特區八年：教改長路》嘅節目，講吓教育界人士點睇教改，引嚟教統局常秘羅范椒芬發炮，噚日喺局方網頁批評港台呢個「官方電台」對教改嘅基本事實都未能完全掌握。節目製作人張國良同八方講，港台冇份制訂教育政策，未能完全掌握係好正常嘅事，自己同其他製作人從來同巿民一樣，認為港台只係一個普通嘅新聞機構，唔係咩官方電台，又話會用平常心面對羅太嘅言論，唔覺得有乜壓力，亦唔會改變製作方針。
其實教統局推行教改搞到雞犬不寧係人都知，教師學生唔係遊行，就係要入稟告政府，非常慘情。各位高官點解唔聽吓民意？諗吓點解啲教育界人士冒住隨時被秋後算帳、閂水喉嘅險都要出嚟表達意見呢？
傳真︰2623-9278
電郵︰[email protected]