Nike新合作TeeGroovisions響頭炮

要想產品Sell得兼有Noise，呢個時代，Crossover呢招必定Work，今次Nike又來一趟舊橋翻用，搵來5個製作單位，啟動「Co+Lab」的合作計劃，請嚟嘅其中兩個合作單位，包括日本著名設計單位Groovisions及本地視覺傳媒創作單位Sixstation，宣傳「Co+Lab」計劃，同時亦一賀i.tNikeCorner的開幕，一舉兩得。
記者：胡卓琳
攝影：陳偉強（訪問）、陳智良（產品）

「Co+Lab」其實即係Collaboration合作咁解，而首批「Co+Lab」作品，就是由5個不同藝術單位設計的Tee，以「GoWild！」作為出發點，將5個單位不同的風格表現於作品之上。5款包括3款男裝、2款女裝的「Co+Lab」Tee，每款將設有6個顏色，分別出現於日本、韓國、香港、中國、東南亞及澳洲6個地區，而每個地區出售的顏色都不同，想儲齊都幾難！

■TenmyouyaHisashi×Nike黑色短袖Tee$299

背
■Tenmyouya出生於日本東京。他的設計充滿日本和式的感覺，後幅圖案係一隻飛鷹飛過一片山谷的景象。

DaveWhite×Nike紅色短袖Tee$299
■DaveWhite來自英國，曾於藝術學院攻讀繪畫。今次圖案係Nike
ACG系列中的代表波鞋AirMowabb，圖案中的色彩運用充份表現出他的個人風格。

PhunkStudio×Nike黃色短袖Tee$299
■PhunkStudio來自新加坡，合作Tee上的圖案上似是一座座起伏的山脈，非常切合Nike今季Outdoor的主題。

Groovisions創立於1993年，早前為Nike製作"Presto"系列的動畫，最為人所熟悉當然是其創作的卡通公仔Chappie，Chappie得意趣致外表，取得不少動畫愛好者的歡心。不過今次與Nike合作的「Co+Lab」Tee就摒棄所有卡通的元素，反而以文字交代一切，將Nike的「JustDoIt」口號、瑞士阿爾卑斯山高地少女峯的名字、其經緯度數都譯成德文，主腦人原徹話：「其實設計的意思，係想帶出個人該有超越更高的理想，這樣你就可以攀得更高！」

■每件Co+Lab的Tee都會有一個【co】+LAB的Tag。

■NikeCo+LabTee的Boxset都會附送不同顏色的鐵盒，盒上印有各製作單位的名字，具珍藏價值。

唯一的本地創作單位Sixstation，創作人叫Benny。能夠與Nike合作，作為NikeSuperFans的Benny感覺榮幸，今次創作的「Co+Lab」Tee，圖案主要想表達BackToNature的訊息，希望各位忙碌的都市人都可以釋放自己的靈魂，Relax及享受一下生活，Sixstation的設計亦是唯一一款的背心款式，Benny話：「因為呢款Print係特別為女性而Design，所以我想可以印於背心款上。」

■兩個創作單位都即場示範製作絲網印刷圖案Tee，只限量製作200件，而且絕不作公開發售，夠晒矜貴。

■一睇就知出自Groovisions的手筆，公仔圖案係Groovisions筆下的卡通人物Chappie，佢頭帶的HeadBand有Nike招牌一剔Logo，顏料就分別有橙色及藍色。

■當日亦有不少潮流中人專程嚟捧場，包括Figure玩具王MichaelLau

■DJ森美亦即場排隊取得一件由Groovisions設計的限量絲印Tee。