上周四倫敦爆炸，英美股市驚咗一陣。爆炸後，倫敦富時指數最多跌4%，周四與周五合計則仍升2.4點，即係冇跌到。杜指更厲害，周四與周五合計，彈升178點，由爆炸後最低位起計，升幅更達274點。
上周五，歐美股市尤其強勁，當日港股則跌66點。港股要反映歐美股市變化，今日，或至少今日早段，必然開大，揸咗C輪身家會厚啲。
恒指C輪3938：港股如果唔係高開得太多，博重有得去，買恒指C輪3938。隻輪9月尾夠鐘，輪價11.8仙，溢價1.2%，槓桿率21.9倍（有效15.5倍），引伸波幅14%。
3938熱門程度唔及得好幾隻其他恒指C輪，但買賣亦非困難，勝在溢價低。想買賣更易，又更搏殺，揀3920，8月尾夠鐘，輪價8.5仙，溢價1.4%，槓桿率39.1倍（有效24.2倍），引伸波幅12.3%。
恒指P輪3927：港股如果因歐美帶動而升得太多，高追恒指C輪未必有着數，反而可以諗些少恒指P輪，博港股高位支持唔住，亦博歐美升後回落帶埋港股回頭，低位買恒指P輪，對象係3927。搏殺啲，吼4749，壽命長兩個月，溢價畀高2個巴仙以上。
章盛