賭王何鴻燊昨日以香港女童軍會副會長身份在禮頓山出席女童軍活動，女兒超瓊亦以該會名譽副會長身份上台致辭。
問賭王暑假會否出外唞暑？他表示中國，香港及澳門最好，他說：「我唔鍾意去時差咁大嘅地方，如果澳洲差兩個鐘，坐七個鐘頭飛機都還可以。」賭王二姨太藍瓊纓在加拿大居住，問賭王會否到彼邦探望她，他說：「唔使客氣，多謝晒，佢飛返嚟探我就差唔多。」賭王更笑言香港是最好，他說：「唔好叫我去英國，真係多謝晒。」
十八歲先准拍拖
至於與四姨太梁安琪所生的女兒超盈現於倫敦求學，問賭王會否擔心？他說：「梗驚，不過冇法，學期開始會繼續，佢都唔肯返嚟。」問他不擔心女兒正步入反叛期，會學壞？他說：「如果係，喺香港都會學壞，不過我相信自己嘅教育方法，佢咁細個，拍拖唔係咁好，十八歲先拍拖。」
採訪，攝影：JessicaNgan