雖然話樓市好景，代理行統統都有錢賺，但行內競爭有增無減。祥益地產盤嘉茵話，為咗加強競爭力，公司特別成立「禮賓部」，為客戶提供一站式服務。
盤嘉茵表示，「禮賓部」主要喺買賣雙方簽定臨時合約後開始提供服務，包括為賣方介紹其他樓盤資料，以及郵寄水電煤同裝修搬運等資料畀買方。
同時，又向買賣雙方做問卷調查，了解客戶嘅需要，以及佢哋對代理嘅服務質素意見等等。
祥益地產係屯門地膽代理行，與區內街坊熟稔，有穩固嘅客源基礎，發展到今時今日，都仍然要不斷加強服務，可見呢行對從業員嘅要求愈嚟愈高。
電郵地址：[email protected]