【記者羅偉光報道】有三十三年歷史的香港電台賽馬節目，因長官意志而壽終正寢，廣播處前處長張敏儀指出，港台轉播賽馬是為公眾提供資訊，從收聽率顯示，「唔係社會唔需要嘅節目」。她認為，工商及科技局局長曾俊華及廣播處處長朱培慶須向公眾詳細交代，「香港電台唔應該成為只聽政府指示嘅公營廣播機構，相信市民同官員都唔想見到咁嘅結果。」
張敏儀昨日接受本報訪問時透露，二十年前任職港台時，也曾提出停播賽馬，「我同（特首）曾蔭權相同嘅地方，係我都唔係馬迷，唔賭馬。」
「收聽率顯示社會需要」
張敏儀說，提出建議後，當時的中文台台長陳惠文向她解釋市民對港台的賽馬節目有需求，「港台係為公眾提供資訊，港台（賽馬節目）無廣告，一氣呵成，收聽率亦顯示呢個唔係社會唔需要嘅節目。」
對於有意見認為港台轉播賽馬鼓吹賭風，張敏儀稱，自己也曾有此想法，後來了解馬會是香港最大善款來源的機構，才有所改觀，也無證據顯示賭風因此加劇。「賽馬喺香港係合法活動，好多高官都係馬會董事同會員，根本做咗咁多年都相安無事。」
官員有責任向公眾交代
她又說，有人提出港台應製作更多小眾節目是不合理的，「做傳媒好多時唔能夠以大眾、小眾去劃分，亦好難界定，係要為整個社會服務。」
港台停播賽馬，社會意見紛紜，港台管理層能否堅持言論自由、編輯自主備受關注。張敏儀認為，市民不應「消極咁睇」，而不支持港台。
她說，港台對擴闊香港言論自由空間有貢獻，如首創Phonein節目及製作《城市論壇》等，多年來已成公營廣播機構典範，官員有責任向公眾交代停播賽馬因由，否則可能令市民認為港台淪為官方喉舌。「香港電台唔應該成為只聽政府指示嘅公營廣播機構，相信市民同官員都唔想見到咁嘅結果。」