「噚晚（前晚）我唔敢瞓，入夜後即刻閂大門，重用梳化頂住度門，我好驚佢哋三更半夜嚟捉人！」險被迫墮胎的熊婦，前晚度過驚慄二十四小時後，昨上午從湖南道縣官員手上拿回自己的證件後說：「攞番自己張香港身份證，好似食咗粒定心丸咁，個心當堂定晒！」
睹親戚被迫墮胎留陰影
熊婦表示，前晚深夜十一時，有自稱省公安廳及市公安局的人致電向她表示，經查證確認其港人身份，可以不受內地計生政策規管，並着她在家等候發還證件。熊婦當時半信半疑，她說：「我點知係咪計生辦啲人扮㗎，我本來計劃天一光就偷偷坐車去廣州，後來入境處再打電話嚟叫我留響屋企，我先有少少定，我當時真係驚一到星期一（計生辦辦公時間），就俾人捉去墮胎。」
她透露，自幼目睹過不少計生辦人員捉孕婦墮胎場面，令她聽到計生辦名字便不寒而慄。她說：「我鄉下屋企三個親戚全部都係第一胎，因攞唔到准生證，結果先後俾人捉去墮胎，其中一個已懷胎八個月都被人打咗（墮胎）」。今次她以為持有香港身份證，可以安心挺着肚子回鄉探親，不料同樣招惹到計生辦人員踢門，險被迫墮胎。
本報記者