名模陳嘉容暑假將推出新書，以形象設計師身份為二十至六十歲的女性改頭換面。陳嘉容指今次由寫稿到借衫、還衫都要一腳踢，談到新書的構思，她表示用「慧眼」幫香港女仔隱惡揚善，表現最美一面。
名模陳嘉容（Eunis）繼兩年前首度出版美容書後，今年暑期再度出擊，推出新書《EyesofEunis》，以形象設計師身份，為二十歲到六十歲的女性扮靚。
談到新書的構思，Eunis笑說：「我由細到大都好貪靚，加上覺得香港有咁嘅需要，其實香港啲女仔打扮已經好新潮，不過唔識突出自己嘅形象，有時太over，想為佢哋表現出最靚一面，會教佢着衫、化妝同言行舉止。」問Eunis如何突出個人形象？她說：「要整體配合自己嘅性格、樣貌、身形，隱惡揚善。」
落雨濕身狼狽
Eunis又表示今次的美容書比上次更花時間，她說：「因為除咗寫稿，重要參與幕後製作，雖然只不過拍攝四日，但形象設計、揀衫、模特兒嘅造型、拍攝效果、揀相同版面設計，我都要兼顧，真係親力親為。」
此外，Eunis提到製作中的點滴時說：「雖然好多朋友都有仗義相助，不過我借衫到還衫都一腳踢，試過有次落大雨還衫，為咗保護啲衫，搞到成個人濕晒，好狼狽。」
