投資推廣署署長米老鼠盧維思日前同班記者介紹佢哋上半年嘅政績，被問起佢太座Fanny黃麗君早前喺曾特首競選期間做貼身幕僚，佢話嗰排日日晨咁早就俾人嘈醒，因為太座每日五點半就要起身，搵人買齊全港所有報紙，然後極速睇完，六點半到就飛的士去見煲呔曾，七點開始為煲呔曾滙報當日新聞，以掌握最新嘅社會形勢。
當然呢啲慘痛嘅日子好快成為歷史，因為煲呔順利當選，Fanny唔使咁早起身。佢哋一家已準備暑假去泰國唞吓，唔理得煲呔咁多。
至於問到政府內部對佢嘅維港巨星匯紀律研究報告，據說好快會有公布，佢話仍然相信自己當初嘅決定。事實上，盧維思亦好努力做好其份內事，例如今年佢就有九程遠程公幹，兼十八程國內探訪工作，都係為推廣香港。而早兩年佢重去到南美洲做推廣，今年已吸引到一家阿根廷公司來港設點。
爆料熱線：29290000、27860099
報料傳真：26239278
報料電郵：[email protected]