鄭中基前晚與楊愛瑾（Miki）及侯莎莎到酒吧為新片宣傳，鄭中基又發揮搞笑抵死本色，笑指Miki玩輸比賽是因為覺得他的手指尾美味想再舔，令她為之氣結。
鄭中基、楊愛瑾及侯莎莎前晚齊到尖沙嘴一間酒吧，宣傳新片《龍咁威2之皇母娘娘呢？》，吸引逾百名酒客到場與他們玩遊戲，大耍詠春及答問題，但三人全晚均滴酒不沾。
喝酒有節制
鄭中基坦言間中會喝酒，但會有節制地喝，又表示很高興新片前日成為香港單日票房冠軍，累積票房更已達八百多萬元。
日前在新片慶功宴上，Miki因玩輸遊戲要舔鄭中基手指尾，昨日問Miki會否再玩此遊戲時，她笑說：「咁調轉囉，佢啜我腳趾囉。」
鄭中基其後反擊說：「講笑咩？頭先耍詠春比賽，都係我嗰隊嘅朋友贏咗喎，你其實係咪覺得我手指尾好味，所以又輸比賽，想再舔過呀？」
取笑侯莎莎
Miki又說：「我之前都去過三間酒吧宣傳，做到熟晒，都知要做啲乜。我平時好少去呢啲地方，只會去靜嘅地方飲嘢傾偈。」
而侯莎莎前晚穿上迷彩裙示人，鄭中基見狀即取笑迷彩正是其經理人黃柏高（Paco）的最愛，他說：「嘩，你呢條裙着畀Paco睇㗎？Paco一定好鍾意你呢條裙呀。」侯莎莎則表示很少到香港的酒吧，感覺新鮮。
採訪：卓美娟 攝影：仇志中
