因骨膜炎右手紮着繃帶的謝霆鋒昨日在西九龍中心舉行新歌MV首播儀式，他派禮品及被安排遊商場時，吸引逾二百fans包圍，場面一片混亂。近日網上流傳其新歌《蘇三想說》涉抄日本組合KinKiKids舊作，但霆鋒沒有正面回應。
謝霆鋒昨日在西九龍中心舉行新歌《狼》ＭＶ首播會，吸引逾二百名fans到場湊熱鬧，其間更邀請歌迷上台玩遊戲。當他派頭髮營養液禮品及於會後被安排遊覽商場內的寵物店時，fans即洶湧包圍，令場面一度混亂。
霆鋒近期頻頻為新碟造勢，但近日網上流傳霆鋒其中一首由俞亮所作、周耀輝填詞的新歌《蘇三想說》，涉嫌抄襲日本偶像組合KinKiKids三年前舊作《Kanashimiblue》，對此霆鋒未有正面作答，只說：「我覺得首歌嘅旋律靚就得，其他嘅嘢唔會理。」
右手紮上繃帶
昨日霆鋒抱恙上陣，右手掌及拇指位置紮上繃帶，他說：「係好耐之前整親，重未好番，喺養和醫院照過兩次X光，話係骨膜炎，睇跌打就話係中樞神經壓住條神經線，手指唔郁得，但唔同醫生講唔同嘅名，我都好混亂。」
會上播放的ＭＶ，其中有便利店職員追賊的打鬥場面，司儀問霆鋒該曲歌詞「每次被攻擊時候要哽，每次被屈時候就變了罪人」，是否其心聲？霆鋒說：「大家唔好將嗰樣嘢放喺霆鋒度，呢啲嘢好生活化啫，每個人都有開心同唔開心時候，好多人比我更加唔開心㖭。」
但其後霆鋒又說：「我有乜嘢感受就會寫落去，社會上每個人都有壓力，冇乜人寫呢類型嘅歌啫。」
問霆鋒會否擔心銷量？他說：「華仔（劉德華）以前賣十一白金，𠵱家點比呀？做好自己隻碟，希望令到市道更好。」
