今年七一算係冇驚冇險咁度過咗，民陣今次不單只冇作大，分分鐘重報細數，搞到中聯辦鬼咁開心。
民陣話只有二萬一千人參加下晝遊行，而左派就話有三萬人，參加上晝慶回歸巡遊，一比之下，土共已經贏咗成萬人，姑勿論左派係咪有幾百蚊，派番畀各位出嚟行嘅愛國人士，總之人多過你；其次就係舊年重話有成五十三萬人，今年連五萬都冇，你話北京係咪好高興呢。
煲呔上場有幾大效應好難講，肯定中央覺得除去老董做得啱，其次就係中聯辦分化有功。
為咗以示表揚，八方聽聞北京已經有下達文件，讚中聯辦佢哋統戰工作做得好，輿論亦對中方有利。所以大家最近應該見到啲駐港幹部輕鬆晒，中聯辦大可以開香檳慶祝，因為原來香港人咁易𠱁，早知一早鏟走老董，唔使煩。
雖然遊行人數少咗，但係遊行嘅自由係應該受保障嘅。八方收到，長毛同埋學聯今日搞咗個修改公安條例嘅遊行，捍衛集會自由，晏晝一點開始，由灣仔修頓球場行到中環政府總部。
爆料熱線：29290000、27860099
報料傳真：26239278
報料電郵：[email protected]