扒女李依琳前晚身穿性感小背心出席名車派對，成為場內焦點。李依琳的豐滿Ccup上圍為她帶來許多苦惱，除運動不便、招惹色迷迷目光外，更遭認定胸大無腦。
何超瓊、姚樂碧、何志恩和葉童夫婦等前晚在灣仔出席Benz派對，扒女李依琳（Elaine）與鄧永鏘兒子鄧裕鏗結伴到場，但否認拍拖。
穿上豹紋背心的Elaine上圍彈出，她卻表示為胸大苦惱，她說：「我唔鍾意個胸太大，好多原因，做運動時搖得太厲害，好唔方便，同埋成日出街都俾男人望，着T恤都會望，好煩。」她又表示除惹來色迷迷眼光，更因此遭人歧視。
BCup最理想
Elaine續說：「喺美國讀書時成日俾人歧視，佢哋覺得我胸大，一定好stupid、讀書好差。」她指有男性因她身材好及認定她蠢而追求她，Elaine無奈地說：「其實我只有Ccup，可能下半身瘦，所以比例上大啲，我身材係遺傳自媽咪，性格就同爹哋一樣，我哋山羊座對住啲蠢人係好冇耐性嘅。」Elaine又指Bcup上圍最理想，問她可會考慮縮胸，她說：「我唔想做手術，若果提出，媽咪肯定覺得我crazy。」
此外，莫文蔚御用設計師何志恩剛自日本返港，她表示得大財團投資，下年將在日本開設過千呎專門店，她說：「今次去咗日本六個月，為方便工作，我每日重要讀兩小時日文，真係冇時間拍拖。」
採訪：JessicaNgan
攝影：ChenWaiOn
