最近憑《冰之驕子》而人氣急升的竹內結子，今個星期都有隻《天國之戀火》3區DVD新返，今次一樣玩愛情故事，而且男主角重係izzue廣告型男玉山鐵二，都算幾有睇頭！故事分「天國」同「人間」兩Part，由鋼琴家之戀，講到古老煙花戀之傳說，情侶睇就最冧，而且電影取景重係風光明媚嘅北海道，靚人靚景加愛情故事，基本已贏晒，DVD老闆話好多人買碟都話想睇竹內結子，難怪成為呢個禮拜最好賣。
另外嚟緊星期二重有隻《選美俏卧底2：姿整任務》新返，戲院上時影評都話幾爆笑，票房都唔差，預計售價在$100頭，大家千祈買「貴」嘢呀！