屯門藍地精神病漢與女友爭執後割脈跳橋雙料自殺，墮地時疑首先被一輛私家車撞倒，姓姜司機事後折返報案為求心安理得。「如果撞倒人，嗰個人身上會有我㗎車嘅油漆，警察會搵到我，告我遇事不報。但我冇飲酒相信亦冇撞倒人，就算有撞倒人亦唔係我嘅責任，我唔驚，所以決定折返現場報案！」
姜憶述稱：「當時好大雨，好黑，睇唔到好遠，駛近天橋時見有啲似人嘅嘢跌落嚟，跟住覺得㗎車好似撞倒啲嘢但未能肯定，同車一個朋友話唔多覺，所以未有為意即時停車，繼續開車！」他自言遇上今次無妄之災「十分黑仔」，會求神拜佛遠離衰運。
另一名同樣自言倒楣的姓吳的士司機，對今次事件感到無奈：「載住兩個客沿慢線去緊元朗，見到個人企喺前面驚撞倒佢，扭向快線點知重衰，拖住個屍體行咗近二十米。我揸咁耐車未試過發生意外，今次真係當黑啦！」他指留在現場協助警員調查影響生意，向記者查詢能否向警方索取「證人費」幫補生意。
本報記者