梁洛施（Isabella）昨日推出新碟，唱片公司為她推出了兩個版本，其中相片及一些歌曲也有不同。記者笑指照片中的她身材較豐滿，Isabella說：「我戴咗隱形胸圍，但係唔關事，我只係覺得戴咗嗰陣着背心，胸圍帶唔會現形啫，所以我入咗好多貨，買咗十個。」
拍照傷痕纍纍
Isabella為了唱片分別影了二十多個造型，其中包括要吊威吔和跳芭蕾舞，令她傷痕纍纍，Isabella說：「我影芭蕾舞嗰輯相，攝影師不斷要我跳起，最終跳到腳腫；我重要吊威吔，吊到盆骨位瘀晒。」Isabella表示最愛濕身的造型，她說：「我覺得呢個係我最真嘅一面，有少少活潑同少少狂野。」
採訪、攝影：王連連