李克勤、古巨基、鄭希怡（Yumiko）昨日在將軍澳電視廣播城綵排籌款節目，日前許志安被本報拍得與內地天后韓紅街頭擁吻照片，克勤深表疑惑，並維護好友說：「可能係goodbyekiss，又可能係耳邊講嘢呢，若果係真嘅，係今年好開心嘅事，同埋好有爆炸性。」
李克勤、古巨基和鄭希怡昨日在將軍澳電視廣播城綵排今晚舉行的特備節目《明愛暖萬心》，克勤與基仔將會合唱《親情》、《獅子山下》等串燒經典歌曲，並擔任壓軸嘉賓，Yumiko本獻唱韓劇《醫道》主題曲，但遭無綫臨時更改，Yumiko笑說：「我唔知，咁都冇計㗎，咁唔唱《醫道》唱嗰道囉。」
抱觀望態度
克勤好友許志安日前被拍得與內地天后韓紅醉醺醺當街擁吻的照片，克勤昨日不斷維護好友，更表示並非親眼看到不會相信，克勤說：「就咁睇都冇茄輪（接吻）成份，只係攬住啫，加上大家又飲咗酒熱情啲啫，我就唔信，除非佢打畀我報喜或者我親眼見到啦，可能係goodbyekiss，又可能喺耳邊講嘢，若果係真嘅，係今年好開心嘅事，同埋好有爆炸性。」但提到好友安仔轉擇偶口味時，克勤說：「乜嘢事都有可能，自己就凡事抱觀望態度，你哋講到咁令我好好奇，一於要傳短訊問吓佢。」
歎生死有命
此外，英國倫敦巿中心日前受到恐怖襲擊，地鐵和巴士發生爆炸，導致巿中心癱瘓，克勤一向是英國足球賽事捧場客，他獲知襲擊倫敦消息後歎息無奈說：「生死有命，都冇法，有啲嘢防不勝防，但我又唔會因為咁情況唔敢去英國，搞完一次就唔會再搞，但希望唔好再次發生。」
另外，古巨基近日傳出婚訊，昨日他加以否認，更直言暫無結婚打算，亦沒有對象。
採訪、攝影：卓寶花
