日本型男伊藤英明雖然外表斯斯文文，但係原來佢玩起上嚟都好癲㗎！有行內爆料者話伊藤好鍾意同男拍檔玩日本傳統嘅「愛的篤股眼」遊戲，佢喺拍攝電影版《海猿》嘅時候，同成班後輩男演員都有唔少裸跑戲，佢哋重列隊被伊藤「篤股眼」，俾佢篤完重好開心咁講多謝。伊藤嚟緊會拍《海猿》電視版，電視台工作人員話唔擔心伊藤同拍檔唔夾，因為佢好識搞氣氛。